Non classé

ANDN taoor rãmbã talla seg taaba

Sẽoog kiuug rasem a 5 yʋʋm 2020 soabã pʋgẽ, Asosɛsẽo Na yɩ neere pʋʋr le Developema de Namentẽnga tɩ b kʋʋg koɛɛg n boond tɩ ANDN taoor rãmbã talla seg taab Waogdgo Meeri wã kom-bɩɩb zakẽ. B zĩnda ne taab n ges ANDN sullã zak sẽn segd n zĩnd Porvẽesã pʋgẽ wã yelle, la b gom Ekoall Buls “A” yʋʋm 75 wã tigr sɛglgo, n paas neb sẽn segd n paam waoor kũuni tig-tẽegrã sabaab yĩnga.

Sẽoog kiuug rasem a 5 yʋʋm 2020 soabã, ANDN taoor dãmb talla seg taab Waogdgo Meeri wã kom-bɩɩb zakẽ. A Filibɛɛr BEEMBÃMB ANDN taoor soabã n lʋɩ sõasgã taoore. Yɩɩ wakat a sẽn wilgi, tɩ ANDN sullã zak segd n zĩnda Namentẽnga Buls komindã pʋgẽ.

La b ratame n gese, tɩ sã n mikame tɩ sor be bɩ b kẽng ne-a AZIDENA (AJDNA) Namentẽng kom-bɩɩbã lagem-n-taar sull zakẽ. La sẽn na n yɩlẽ tɩ rẽ tõoge, rẽndame tɩ b reng n yã sullã taoor rãmba, n bãng bũmb ning võor sẽn kɩte, tɩ b yik vugri, n lub AZIDENA sullã. La rẽndame tɩ reng n seg sullã taoor rãmb nins b sẽn naag n lubã, na bãng yalã sẽn kẽn toto, n yaool n paam tɩ ANDN zakã zĩngr zĩ-kãngã lebg vẽenega.

A Filibɛɛr BEEMBÃMB  kell n wilgame tɩ Ekoall Bulsa “A” yʋʋm 75 tigr sẽn da segd n zĩnd sẽoog kiuug rasem a wɛ wã, Kornavirsã bãag kɩtame tɩ b viig-a t’a na n kẽng zĩ-likr kiuug sẽn watã.

B paama sɛk ne a Tanisla WAARO Minisr ning sẽn get karen-bi-bãoonesã la buudã goam piuugr yelle, la a pẽgame, n kõ-b saagr koeese. Minisr WAARO Minisr togsame tɩ sõngr buud fãa sẽn be tɩ Ministɛɛrã segd n sõng tigrã na yɩ neer wɛɛngẽ, b na n sõngame.

B sõsa ne taaba, sẽn na n yɩlẽ tɩ b bao waoor kũun n kõ Ekoallã pipi karen-biisi, la neb sẽn zĩnd n tʋm Ekoallã na kẽng taoore, n paas neb me sẽn kẽes b toog n sõng Namentẽnga, a yidgrã wɛɛngẽ. A Tanisla WAARO ra zoe n pʋlemd-b-la neb a yiib bɩ a tãabo, b sẽn na n paam waoor kũunã. La “keeg wook sẽn ka lebd weoogẽ” wã, ANDN tigrã siglg tãoor rãmb ratame tɩ ta neb a nu bɩ a yoobe.

La sõs-n-kɩɩs-taabã pʋgẽ, b wa n gãdame tɩ waoor kũunã ka segd n kõ ned sẽn da zoe n paam waoogr kũuni, sẽn paasd me yaa neb sẽn be tʋʋmd taoor yʋʋm piig la a nu tõre, nin-kãens rãmbã n segd ne kũunã. Seg-taabã wa n baasa ne sõasg buud toor-toore, la gomd sẽn be n ya gom-yãgdem bɩ bũmb ning sẽn ling n kẽ bãagã wakate, tɩ b segd n maneg tʋll zug la b sõs yã. B kõo taab sɛk rasem a yiibã n na n le seg taaba, la ket n yaa ANDN tʋʋma la Ekoall Bulsa “A” tigr seglgo.

Pẽgdwẽnde Erik Zĩnaaba

Rencontre des responsables du bureau de L’ANDN

Le Dimanche 5 Juillet 2020, les responsables de l’association na-yi neere pour le developpement du Namentenga (ANDN) ont tenu une rencontre à la maison des jeunes de la Mairie de Ouagadougou. Dans cette rencontre il a été question du siège de L’ANDN dans la province du Namentenga des préparatifs du jubilé des 75 ans de l’école Boulsa “A” et des personnes qui doivent être décorée à cette occasion.

Le Dimanche 5 Juillet 2020, les responsables de l’association  na-yi neere pour le développement du Namentenga ( ANDN)  ont tenu une rencontre dans la maison des jeunes de la mairie de Ouagadougou. C’est le president de L’ANDN Fulbert Bembamba qui a animé cette rencontre, ce  fut un moment pour le president d’affirmer que le siège de l’association doit être basé dans la commune de Boulsa.

Il estime sa volonté de mettre le siège au niveau de AJDNA qui est l’association des jeunes du Namentenga, mais avant tout cela ils doivent approchés les jeunes pour savoir ce qui a entrainé la chute de l’association AJDNA, avant d’établir le siège de L’ANDN sur les lieux.

Fulbert Bembamba a également ajouté que  concernant l’anniversaire des 75 ans de l’école Boulsa “A” qui devait se tenir le 9 Juillet 2020 a été réporté pour se tenir en Octobre à cause de la maladie à coronavirus.

Il  dit avoir eu un entretien avec le ministre Stanislas OUARO, et ce dernier a promis de soutenir l’activité. Ils ont eu a échangé, afin de trouver des distinctions pour les premiers élèves de l’établissement et les acteurs qui se sont battus pour la bonne marche de l’école et les bâtisseurs du Namentenga. Le Ministre Stanislas Ouaro leur avait promis de décorer deux ou trois personnes, mais les organisateurs ont démandé à ce que ça soit au moins 5 ou 6  personnes .

La décoration ne va pas être donné à quelqu’un qui a été décorer et en plus ce sont des personnes qui ont travailler au moins 15 ans qui auront cette distinction. Un autre rendez-vous a été donné afin de parler de l’organisation du jubilé des 75 ans.

Pengdouendé Eric Zinaaba

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *